Читать онлайн «Минея праздничная (цсл)»
Автор Татьяна Трушова
Текст Праздничной минеи на церковнославянском языке
РОЖДЕСТВО ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ
ВСЕМИРНОЕ ВОЗДВИЖЕНИЕ ЧЕСТНАГО И ЖИВОТВОРЯЩАГО КРЕСТА
ОТДАНИЕ ПРАЗДНИКА ВСЕМИ1РНАГО ВОЗДВИЖЕНИЯ ЧЕСТНАГО И ЖИВОТВОРЯЩАГО КРЕСТА. ОБРЕТЕНИЕ МОЩЕЙ СВЯТИТЕЛЯ ДИМИ1ТРИЯ, МИТРОПОЛИТА РОСТОВСКАГО
ПОКРОВ ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ
СВЯТЫХ ОТЕЦ СЕДМАГО ВСЕЛЕНСКАГО СОБОРА
СВЯТАГО ВЕЛИКОМУЧЕНИКА ДИМИТРИЯ МVРОТОЧЦА И ВОСПОМИНАНИЕ ВЕЛИКАГО И СТРАШНАГО ТРЯСЕНИЯ
ВВЕДЕНИЕ (ВХОД) ВО ХРАМ ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ
ИЖЕ ВО СВЯТЫХ ОТЦА НАШЕГО НИКОЛАЯ, АРХИЕПИСКОПА МИР ЛИКИЙСКИХ, ЧУДОТВОРЦА
НЕДЕЛЯ СВЯТЫХ ПРАОТЕЦ
НЕДЕЛЯ ПРЕД РОЖДЕСТВОМ XРИСТОВЫМ, СВЯТЫХ ОТЕЦ
ПРЕДПРАЗДНСТВО РОЖДЕСТВА ХРИСТОВА, И ПАМЯТЬ СВЯТЫЯ ПРЕПОДОБНОМУЧЕНИЦЫ ЕВГЕНИИ
ЕЖЕ ПО ПЛОТИ РОЖДЕСТВО ГОСПОДА БОГА И СПАСА НАШЕГО ИИСУСА ХРИСТА
СОБОР ПРЕСВЯТЫЯ БОГОРОДИЦЫ
НЕДЕЛЯ ПО РОЖДЕСТВЕ ХРИСТОВОМ
ЕЖЕ ПО ПЛОТИ ОБРЕЗАНИЕ ГОСПОДА НАШЕГО ИИСУСА ХРИСТА И ПАМЯТЬ ИЖЕ ВО СВЯТЫХ ОТЦА НАШЕГО ВАСИЛИЯ ВЕЛИКАГО, АРХИЕПИСКОПА КЕСАРИИ КАППАДОКИЙСКИЯ
ПРЕДПРАЗДНСТВО ПРОСВЕЩЕНИЯ И СВЯТЫХ МУЧЕНИК, ФЕОПЕМПТА И ФЕОНЫ: И ПРЕПОДОБНЫЯ СИНКЛИТИКИИ
СВЯТОЕ БОГОЯВЛЕНИЕ. КРЕЩЕНИЕ ГОСПОДА БОГА И СПАСА НАШЕГО ИИСУСА ХРИСТА
СРЕТЕНИЕ ГОСПОДА БОГА И СПАСА НАШЕГО ИИСУСА ХРИСТА
БЛАГОВЕЩЕНИЕ ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ
РОЖДЕСТВО ЧЕСТНАГО СЛАВНАГО ПРОРОКА, ПРЕДТЕЧИ И КРЕСТИТЕЛЯ ИОАННА
СВЯТЫХ СЛАВНЫХ И ВСЕХВАЛЬНЫХ И ПЕРВОВЕРХОВНЫХ АПОСТОЛ ПЕТРА И ПАВЛА
СВЯТЫХ ОТЕЦ ВСЕЛЕНСКИХ ШЕСТИ СОБОРОВ
ПРОИСХОЖДЕНИЕ ЧЕСТНЫХ ДРЕВ ЧЕСТНАГО И ЖИВОТВОРЯЩАГО КРЕСТА И ПАМЯТЬ СВЯТЫХ СЕДМИ МУЧЕНИК МАККАВЕЙ, И МАТЕРЕ ИХ СОЛОМОНИИ, И УЧИТЕЛЯ ИХ ЕЛЕАЗАРА
СВЯТОЕ ПРЕОБРАЖЕНИЕ ГОСПОДА БОГА И СПАСА НАШЕГО ИИСУСА ХРИСТА
УСПЕНИЕ ПРЕСВЯТЫЯ СЛАВНЫЯ ВЛАДЫЧИЦЫ НАШЕЯ БОГОРОДИЦЫ, И ПРИСНОДЕВЫ МАРИИ
УСЕКНОВЕНИЕ ЧЕСТНЫЯ ГЛАВЫ ЧЕСТНАГО СЛАВНАГО ПРОРОКА, ПРЕДТЕЧИ И КРЕСТИТЕЛЯ ИОАННА
Текст Праздничной минеи на церковнославянском языке
РОЖДЕСТВО ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ
8 сентября
НА МАЛЕЙ ВЕЧЕРНИ
На Го́споди, воззва́х: стихиры на 4. Глас 1.
Подобен: Небе́сных чино́в:
Иоаки́м и А́нна торжествуют, / Нача́ток ро́ждше на́шего спасе́ния, / еди́ну Богоро́дицу, / с ни́миже и мы пра́зднуем днесь, / от ко́рене о́наго Иессе́ева / блажа́ще Де́ву Чи́стую.
От А́нны днесь цвет, / сад Богода́нный, / Богоро́дица прозябе́, спасе́ние челове́ков, / из Нея́же всех Зижди́тель ро́ждься па́че ума́, / Ада́мову очища́ет, я́ко Благ, / всю скве́рну бла́гостию.
Кто дово́льно по досто́инству пе́ти возмо́жет / от А́нны неизрече́нно младе́нствующую Де́ву? / Го́ры у́бо и хо́лми, сла́дость иска́пайте днесь: / всех бо жизнь и очище́ние / млеко́м пита́ется, / Богоро́дица Чи́стая.
Я́же пре́жде непло́дная страна / зе́млю плодоно́сну ражда́ет / и, от непло́дныя утро́бы плод свят да́вши, млеко́м пита́ет. / Чу́до стра́шно́ Пита́тельница Жи́зни на́шея, / Я́же Небе́сный Хлеб во чре́ве прие́мши, / млеко́м от сосцу́ пита́ется.
Слава, и ныне, глас 4:
Всечестно́е Твое́ рождество́, / Пресвята́я Де́во Чи́стая, / А́нгелов мно́жество на Небеси́ / и челове́ческий род на земли́, ублажа́ем, / я́ко Ма́ти была́ еси́ Творца́ всех, Христа́ Бо́га. / Того́ моля́щи о нас не преста́й, мо́лимся, / и́же на Тя по Бо́зе упова́ние поло́жших, / Богоро́дице Всепе́тая и Неискусобра́чная.
